TRT WORLD FORUM 2021: Klimat krizisı belän köräş yulları

Angliya wäkile Bridge: “Törkiyä bik möhim iq’tisad. Tübän häm nul’ uglerod citeşterä aluı cähätennän dä möhim il”

1722630
TRT WORLD FORUM 2021: Klimat krizisı belän köräş yulları

"Köç häm paradoks: 21nçe ğasırda zur strategiyanı añlaw" teması belän oyıştırılğan “TRT World Forum 2021”dä "Strategik yanaw bularaq klimat häm global’ sälamätlek saqlaw krizisları” isemle utırış ütkärelde.

TRT World alıp baruçısı Rachael Rubleneñ moderatorlığındağı utırışta Angliya tışqı êşlär ministrlığınıñ klimat üzgäreşläre maxsus wäkile Nick Bridge belän bergä Niderland tışqı êşlär ministrlığınıñ êlekke strategik säyäsät kiñäşçese häm êkolog yazuçı Aleksandr Verbeek, Prinston universitetınıñ xalıqara mönäsäbätlär bülegennän maqtawlı professor Robert O. Keohane, Bötendönya sälamätlek saqlaw oyışmasınıñ xalıq sälamätlege häm êkologiya departamentı direktorı Maria Neira, Afrika xastalık kontrol’ häm totqarlaw üzäkläre mödire John N. Nkengasong häm Wisconsin-Madison universitetınıñ Global’ sälamätlek saqlaw institutı mödire Jonathan Patz qatnaştı.

Angliyanıñ klimat üzgäreşläre maxsus wäkile Bridge noyabr ayında Şotlandiyanıñ Glasgow şähärendä oyıştırılaçaq Berläşkän Millätlär Oyışması klimat üzgäreşläre konferenśiyasında (COP26) cıyılaçaq xökümätlärneñ Parij klimat kileşüe qısalarında üz östenä alğan yöklämälärne arttıraçaqların, bigräk tä iñ zäğıyf illärgä kürsäteläçäk yärdämneñ qarap çığılaçağın belderde.

Törkiyäneñ Parij klimat kileşüen raslawın da bäyäläwçe Bridge: "İlbaşı Räcäp Tayyip Ärdoğan tarafınnan yasalğan Parij klimat kileşüeneñ raslanuı turındağı belderüe bik möhim ide. Yäğ’ni 2053nçe yılğa qadär uglerodlı neytral’ bulu yöklämäse, bolar bik ähämiyätle adımnar. Törkiyä bik möhim iq’tisad. Tübän uglerod häm nul’ uglerod citeşterüen başqara alu säläte cähätennän dä möhim il. Xäzerge waqıtta Awrupa illäreneñ yäşel strategiyaları bar. Törkiyä iq’tisadınıñ da şuşı küçeşne yaqlawın kürü bik äybät”, - dip iskärtep uzdı.



Bäyläneşle xäbärlär