Did’ye Drogba ilçe buldı

Kot-d’İvuarnıñ êlekkege futbol yoldızı Did’ye Drogba Bötendön’ya sälamätlek saqlaw oyışmasınıñ sport häm sälamätlek ilçese iğ’lan itelde.

“Drogba oyışmağa fizik aktivlıqnıñ häm başqa sälamät yäşäw räweşeneñ östenleklären kürsätü êşendä yärdäm itäçäk häm, bigräk tä, yäş’lär öçen sportnıñ qıymmäten assızıqlayaçaq,”-diyelä bu xaqtağı belderüdä.  Anda äytelgänçä, futbolçı moña qadär dä sälamät yäşäw räweşen propagandalaw, bizgäk belän köräşü, VİÇnı profilaktikalaw şikelle törle kampaniyälärdä qatnaştı.

43 yäş’lek Did’ye Drogba 2018nçe yılda futbol qırı belän xuşlaştı. Ul 2003nçı häm 2009nçı yıllarda Afrikada “Yıl futbolçısı” isemen alğan ide.