6 Ğosmanlı padişahınıñ portretı satıla

Böyekbritaniya aukśion yortı “Kristis” 6 Ğosmanlı padişahınıñ portretın satışqa çığaraçaq. Alar Orxan Gazi xakimlek itkän 1326nçı yıldan Sälim İkençeneñ 1574nçe yılda wafat buluına qadärge çorğa qarıy. Portretlar 250 yıllıq tarixnı üz êçenä ala.

“Kristis”tan yasalğan xäbärgä qarağanda, aukśion 28nçe oktyabr’dä bulaçaq.  

Orxan Gazi, Bayazit Berençe, Ğaysä Çäläbi, Mäxmät Berençe, Sälim Berençe häm Sälim İkençeneñ portretlarınnan toruçı seriyä öçen 800 meñnän başlap 1 million 200 meñ sterlingqa qadär bäyä quyıla.

Yaqınça 1600nçe yıllardan qalğan äsärlär Ğosmanlınıñ böyek wäzire Sokullu Mäxmät Paşanıñ kiñäşe belän 1579nçı yılda Veneśiyadağı original’ kollekśiyädän kopiyalana.  

1579nçı yılnıñ ğıynvarında yasala başlağan portretlar sentyabr’dä İstanbulğa cibärelä. Äsärlärneñ stile säbäple alarnıñ ital’yan rässam Paolo Veroneze tarafınnan icat itelüe yäisä anıñ qul astında êşlänüe uylanılsa da, bersendä dä anıñ imzası yuq.