Levandovski "Altın ayaq kiyeme"n aldı

Germaniyäneñ Bundesliga komandalarınnan berse - “Bayern Münih”tä uynawçı polyak Robert Levandovski Awrupa ligalarınıñ iñ küp tup kertkän futbolçısına birelüçe “Altın ayaq kiyeme” bülägen aldı.

33 yäş’lek üzäk höcümçe 2020nçe-2021nçe sezonda 41 gol kertkän. Şulay itep ul Bundesliga tarixında qapqalarnı iñ nıq teträtüçe futbolçı buldı häm ber sezonda 40 gol kertkän Gerd Müllernıñ qulınnan maqtawlı isemne tartıp aldı.  

“Altın ayaq kiyemen” Münxenda oyıştırılğan tantanada tapşırdılar. Çarada Levandovski üzeneñ xis-kiçereşläre belän urtaqlaştı. “Bu zur däräcägä ireşä aluıma bik söyenäm. Ğailämä, komandadağı iptäşläremä, trenerlarğa häm böten Bayern ğailäsenä räxmät,”-dide futbolçı.