Franśuz dron pilotı Törkiyägä xäyran qaldı

Törkiyä dron festivale qısalarında Sivas şähärenä barğan franśuz Bladimir Metiv’yeri soqlanuın yäşerä almadı. Çaranı ilbaşı cämäğat’çelek belän êlemtä idaräse oyıştırdı.

Dron pilotları Törkiyäneñ 12 şähärendä tarixi, tabiğıy häm mädäni baylıqlarnı töşerä. Anda qatnaşuçı Vladimirnı bigräk tä Sivas xäyran qaldıra. 26 yäş’lek FPV dron pilotı Metiv’yer şähärdä Par manaralı mädräsä, Kük mädräsä, Divrigi oluğ cämiğ mäçete, Kangal balıqlı termal’ suları häm başqa bik küp urınnarnı töşerde. Yeget yarışta qatnaşırğa çaqıru alğaç söyenüen yäşermi.

“Sivasta tarixi äsärlärne töşerdem häm iñ oşağanı Kük mädräsä. Arxitekturasın bik oşattım, anı töşergändä käyef aldım,”-dip söyli ul.

Vladimir Met’yever şähärdäge başqa äsärlärgä dä xäyran.

“Mondağı äsärlärneñ arxitekturasın bik üzençälekle dip taptım, çınlap ta oşadı. Köne buyı monda oça alam. Törkiyäne oşattım, Franśiyädän nıq ayırılıp tora. Hawası, arxitekturası, cire genä tügel, keşeläre dä qunaqçıl häm igelekle. Bu festival’gä çaqırıluım öçen räxmät belderäm. Mondıy üzençälekle urınnarda oça aluım öçen üzemne bik bäxetle xis itäm,”-dip söyli Franśiyädän kilgän pilot.

Metiv’yer yarışta urın alu öçen qulınnan kilgänneñ barısın da êşlärgä maqsat itep quyuın da östäde.

Festival’dä Törkiyä, Angliyä, AQŞ, Franśiyä, Şveyśariyä, İspaniyädän dön’yada tanılğan 12 professional’ FPV dron oçırtuçı qatnaşa. Alar 12 şähärdä – Antaliyä, Muğla, Van, İstanbul, Mardin, Xatay, Adıyaman, Nevşähir, Şanlıurfa, Diñgezle, Sivas häm İzmirdä - tarix, din, su häm sälamätlek kategoriyälärendä Törkiyäneñ baylıqların kürsätäçäk.