Antaliyada 7 ayda 3 million 396 meň turist qunaq bulıp kitte

Dön’yanıň möhim turizm üzäkläre arasında bulğan häm Kovid -19 êpidemiyäse waqıtında sälamät häm qurqınıçsız turizm adresına äwerelgän Antaliyada 7 ayda 3 million 396 meň turist qunaq bulıp kitte.

Diňgez, qom, qoyaş, zinnätle qunaqxanälär, qultıqlar, tarixi şähärlär häm turistik urınnarı belän tanılğan Antaliya dönyanıň törle illärennän turistlar qabul itä.

Törkiyä mädäniyät häm turizm ministrlığı koordinaśiyäsendä Kovid -19 êpidemiyäse waqıtında başlanğan “Qurqınıçsız turizm sertifikatı programması” qısalarında imin,ışanıçlı häm sälamät turizm xezmäte kürsätkän Antaliya biregä  kilgän turist sanı cähätennän turizm başqalası bularaq bäyälänä.

Antaliya mädäniyät häm turizm mödirlege mäğ’lümatlarına qarağanda , biregä uzğan yılnıň 1 nçe ğıynwar – 31 nçe iyül’ däwerendä 760 meň 203 turist kilgän bulsa, bıyılnıň şul uq çorında alarnıň sanı  3 million 396 meň 7 gä citkän.

Bıyılnıň 7 ayında Rusiyädän 1 million 127 meň , Ukrainadan 670 meň 930 ,Germaniyädän 389 meň 405, Pol’şadan 175 meň 570, Qazaqstannan 98 meň 683 turist Antaliyda yal itep kitte.