Messi yılıy-yılıy sawbullaştı

Argentinalı yoldız Lionel Messi 21 yıl uynağan komandası “Barselona”dan kitkännän soñ täwge tapqır jurnalistlar qarşısına çıqtı. Futbolçı söyli başlağançı uq küzennän yäş’lär çıqtı. Messi üzeneñ çığış yasayaçaq xäldä bulmawın äytte.

“Böten ğomerem monda ütte. Bik awır… Min Barselodan kitärgä älegä äzer tügel,”-dide.

Tanılğan futbolçı Barselona da yaxşımı-yamanmı bik küp xatiräse buluın häm bötenläygä xuşlaşa almayaçağın söyläde. Ul närsä buluın añlamawın häm berqayçan da bolay kilep çığaçağın uylamawın belderde. “Berär qayçan kire qayta alaçağıma ömetlänäm,”-dide Lionel Messi.

34 yäş’lek futbolçınıñ matbuğat cıyılışı aldınnan “Barselona” tarafdarları ob’yektlarğa ağıldı. Êteş-törteş êçennän alar Messinı sälamläde.  

“Barselona” klubı xäzerge finans şartları säbäple Lionel Messi belän yaña kileşü imzalamayaçağın belderde häm şulay itep, alarnıñ yulları ayırıldı.