Qazaqstanda borıñğı törki häykäl tabıldı

Ul bay xatın-qıznı gäwdäländerä

1683698
Qazaqstanda borıñğı törki häykäl tabıldı

Qazaqstanda yaqınça 1300 yıllıq borıñğı törki çorğa qarawçı taş häykäl tabıldı.

Xalıqara törki akademiyäneñ internet säxifäsendä yazılğança, älege tarixi açış belän bäyle berençe tabıldıqlar Äxmät Yäsäwi törek-qazax universitetı professorı Moxtar Koca tarafınnan belderelde. Häykälne Törkestannan 250 çaqrım yıraqlıqtağı Sırdär’ya yılğası yuğarısındağı ber cirlektä şul tirädä yäşäwçe kürep ala.

“Monnan alda ilebezneñ törle töbäklärendä bik küp sanda taş häykällär tabıldı. Ämma monısı küreneşe häm östendäge motivları belän başqalarınnan ayırılıp tora. Berençel tikşerenülärgä qarağanda, 1 metr biyeklegendäge yaqınça 1000-1300 yıllıq tarixqa iyä buluın uylıybız,”-dide profesor.

Koca häykälneñ xatın-qız figurasın simvollaştıruın belderde. “Monı yawlığı häm alqalarınnan añlarğa mömkin. Bay xatın-qız buluı şöbhäsez. Şul çordağı zur xökemdarnıñ xatını bulırğa mömkin. Umay ana simvolı da buluı bar,”-dip söyli ğalim.

Häykälne universitetnıñ arxeologik tikşerenülär institutı belgeçläre centekläp analizlıy. Anıñ näticäläre tizdän bilgele bulaçaq.



Bäyläneşle xäbärlär