Veneśiyane saqlaw öçen

Qala êçenä zur korablar kerü tıyılaçaq

1675145
Veneśiyane saqlaw öçen

İtaliya idaräse tarixi Veneśiya şähäre üzägen saqlaw öçen 25 meñ tonnadan artıq awırlıqtağı korablarnıñ Djudekka kanalına kerüen tıydı. Alar 1nçe avgusttan laguna-qala êçenä ütä almayaçaq.

Belgeçlär yulçı köymälärenä qurqınıç yamawın inde küptän äytep kilä ide.

Monnan alda UNESCO da İtaliyäne kisätep zur korablarnıñ bötendön’ya mirası isemlegendäge cirlektän ütep yörüe tıyılmasa, qara isemlekkä keräçäklären beldergän ide.

Veneśiyä – yar buylap suzılğan lagunada 118 utraw östendä tözelgän häm ber-bersenä kanallar belän bäyle şähär bularaq turistlarnı üzenä cälep itä. Ämma êkologlar älege turistlarnı taşuçı zur köymälär kitergän zıyan turında çañ suğa.



Bäyläneşle xäbärlär