Misırda miladqa qadärge 110 qaber tabıldı
Alarnıñ iñ borınğıları oval räweşendä
1629927
Misırnıñ Däxaliyä şähärendä bezneñ êrağa qadärge çorğa qarawçı 110 qaber tabıldı. İlneñ turizm häm borınğı äsärlär ministrlığı açışnıñ qaladağı Koun äl-Xulğan arxeologik qazınu mäydanındağı êşçänlek barışında yasaluın belderde.
Oval räweşendäge qaberlärdän 73eneñ bezneñ êrağa qadär 6000-3000nçe yıllar çorına qarawı, dürtpoçmaqlı bulğan 37 qaberneñ isä bezneñ êrağa qadär 1782-1570nçe yıllardan qaluı açıqlana. Alarda keşe skeletı qaldıqlarınnan tış çülmäk, sawıt-saba şikelle kiräk-yaraqlar da tabıla.
