Milli köräşçe Taha Aqgöl 8nçe märtäbä Awrupa çempionı buldı

Dön’ya häm olimpiada çempionı, Törkiyäneñ milli köräşçese Taha Aqgöl, Rusiyä sportçısı Sergey Kozırevne ciñep, 8nçe Awrupa çempionın yawladı

1626067
Milli köräşçe Taha Aqgöl 8nçe märtäbä Awrupa çempionı buldı

Pol’şa başqalası Varşavada oyıştırılğan Awrupa köräş çempionatında irekle stil’dä 125 kiloda köräşüçe Taha Aqgöl (Akgül) berençe turda 3 tapqır dönya çempionı bulğan Gruziyalı Geno Petriaşviline (6-1 isäbe belän), çirek finaldä Pol’şalı Kamil Tomasz Kosciolekne (6-1 isäbe belän), yarım finaldä dä Belaruslı Dzianis Xramiankounı (4-0 isäbe belän) ciñep finalgä uzdı.

Finaldä Yäş’lär olimpiadaları çempionı Rusiyäle Sergey Kozırev belän oçraşqan törek milli köräşçese köräşneñ soñğı öleşendä köndäşeneñ agressiv xäräkätläre aldında tınıç qala aldı häm oçraşunı 9-2 isäbe belän ciñep kar’yerasına 8nçe Awrupa çempionın östäde.

İlbaşı Räcäp Tayyip Ärdoğan, İlbaşı urınbasarı Fuat Oktay häm Ministr Mäxmät Möxärräm Kasapoğlu, “Cömhüriyät xalıq” partiyası (CHP) Ğomum başlığı Kemal Kılıçdaroğlu Taha Aqgölne täbrik itte.



Bäyläneşle xäbärlär