Tokio Olimpiya uyınnarı bulmasqa mömkin

İldä xalıqara sport çarasın ğamäldän çığaru turında süzlär söylänä

1621839
Tokio Olimpiya uyınnarı bulmasqa mömkin

Yaponiyäneñ xakimiyättäge Liberal’-demokrat partiyäse ğomum särqatibe Nikai Toşixiro, koronavirus oçraqlarınıñ artuı däwam itsä, Tokio Olimpiya uyınnarınıñ bulmıy qalu mömkinlege turında äytte. Ul bu xaqta ilneñ ber telekanalına interv’yusında söyläde. Nikai beldergänçä, Kovid-19 kizüe artuın däwam itkän oçraqta sport çarasınıñ ğamäldän çığarıluı küz uñında totıla. “Ul waqıt kilgäç, qarar çığarırğa mäcbür bulırbız. Mäsälän, tiz arada tuqtatırğa turı kilüe bar,”-dide säyäsätçe.

Kyodo agentlığı bu ayda anketa soraştıruı ütkärgän. Anda qatnaşuçılarnıñ barı 24,5%ı turnirnıñ planlaştırılğan şikelle uzuın teläwen beldergän.

Bilgele bulğança, Tokio Olimpiya uyınnarı 2020nçe yılnıñ cäyendä uzarğa tiyeş ide. Anı koronavirus arqasında bıyılğa küçerdelär. Sport çarasın 23nçe iyül’dän 8nçe avgustqa qadär ütkärü planlaştırıla.



Bäyläneşle xäbärlär