Tön'yaq Koreya Olimpiya uyınnarına kilmi
Ul bıyılğı olimpiadada qatnaşmayaçağın beldergän berençe däwlät buldı
Tön’yaq Koreya, sportçıların koronavirus kizüennän saqlaw maqsatınnan, Tokio Olimpiya uyınnarında qatnaşmayaçağın belderde. Kyodo agentlığı yazğança, bu bıyılğı olimpiadadan çığuın beldergän berençe däwlät buldı.
Tokio Olimpiya uyınnarınıñ oyıştıru komitetı äğ’zaları Tön’yaq Koreyanıñ bu qararına aptırawların citkerde. “Hiç kötmägän idek, kisäk kenä buldı,”-dide komitetnıñ ber wäkile.
Kön’yaq Koreyanıñ berläşü ministrlığı Tön’yaq Koreyağa möräcäğat’ itep şundıy belderü yasadı: “Xökümätebez Tokio Olimpiya uyınnarınıñ ike Koreya arasında yaraşu häm xezmättäşlekneñ arttırıluı häm Koreya yarımutrawında tınıçlıq urnaştıru öçen forsat bulaçağına ışana”.
Uzğan yıl uzarğa tiyeşle häm koronavirus arqasında kiçekterelgän Tokio Olimpiya uyınnarı bıyıl 23nçe iyül’dän 8nçe avgustqa qadär ütäçäk.
Bäyläneşle xäbärlär
2027nçe yılğı Awrupa uyınnarı İstanbulda uza
Awrupa Olimpiya komitetı başqarma şurası monı bertawıştan xupladı