Stress çäç qoyıluğa niçek täêsir itä?

“Tech Explorist” säxifäse xäbärenä kürä Xarvard Universitetı belgeçläre xronik stressnıñ çäç tamırına täêsiren tikşerde.

Stressta çäç follikulındağı tamır küzänäkläreneñ yal itüe, şul räweşle bozılğan çäçneñ qoyıluı küzätelde.

Tikşerenüdä tıçqannarğa stress arttıruçı kortikosteron gormonı birelde häm tamır küzänäklärendä qoyıluğa kiterep çığaruçı täêsirneñ barlıqqa kilüe öyränelde.

Tikşerenü törkeme liderı Ya-Çix Xsu: “Bu êşçänlek yärdämendä stressnıñ tamır küzänäkläre aktivlığın kiçekterüen häm çäç follikulındağı tamır küzänäkläreneñ tuqımanı canlandıru yışlığın üzgärtüen kürdek,” – dide.

Tikşerenü näticäläre “Nature” jurnalında basıldı.