Bronza çorında matriarxat bulğanmı?

İspaniyäneñ kön’yaq-könçığışında tabılğan ber borınğı qaberlek qızıqlı näticälärgä kiterde. Anı tikşergännän soñ bezneñ êrağa qadär 1550nçe yılğa qadär sıynıflarğa bülengän cämğıyät’tä xatın-qızlar xakimlek itkän digän farazlar tudı.

Arxeologlar İspaniyäneñ Mersiya şähäre La Almoloya rayonında 2013nçe yıldan birle êşçänlek alıp bara. Näticädä 4 meñ qaberlek tabalar.  

Belgeçlär bronza däwerennän qalğan qaberlektäge xatın-qızlarnıñ ul çornıñ simvolik zatlı bizänü äyberläre belän kümelüen belderde. Bu- alarnıñ cämğıyät’tä potanśial’ ähämiyätle säyäsi rol’ häm statusqa iyä buluınıñ kürsätkeçe. Monnan tış, arxeologlar qaber quyılğan qorılmanıñ ul çorda saray kategoriyäsenä kerüen äytä.

Tikşerenülärgä qarağanda, xatın-qızlar Pireney yarımutrawınıñ kön’yaq-könçığışında bezneñ êrağa qadär 2200-1550nçe yıllar arasında çäçäk atqan cämğıyät’ Êl’ Argarda xakimlek itkän bulırğa mömkin. Älege śivilizaśiyäneñ toraq punktlarınıñ bezneñ êrağa qadär 16nçı ğasır axırında êçke fetnälär arqasında yuq buluı farazlana.