Tokio Olimpiadasında vakśina mäcbüri tügel

Xalıqara olimpiada komitetı sportçılarnıñ vakśinası yasatu şartı quyılmayaçağın citkerde

1600925
Tokio Olimpiadasında vakśina mäcbüri tügel

Xalıqara olimpiada komitetı räise Tomas Bax Tokiodağı Olimpiyä häm Paraolimpiyä uyınnarında yarışaçaq sportçılarğa koronavirus vakśinası yasatu şartı quyılmayaçağın belderde. “Milli federaśiyälär häm sportçılar üz illärendäge vakśinalaştıru qağıydälären ütärgä tiyeş. Bu xökümät cawaplılığı häm bez moña tıqşınmıybız,”-dide ul.

Bax uyınnar uzuçı däwlät Yaponiyädä vakśina citeşmäw mömkinlegen äytte. Turnir başlanaçaq kön 23nçe iyül’gä qadär yapon sportçılarınıñ barısınıñ vakśinalaştırılmawı bar.

Qıtay olimpiya komitetı Tokiodağı yarışlarda häm 2022nçe yılda Pekin Qışqı Olimpiya uyınnarında qatnaşuçılarğa qadaw öçen vakśina belän täêmin itä aluları xaqında täq’dim yasadı.   

Tokio Olimpiya uyınnarı 2020nçe yılnıñ 24nçe iyülennän 9nçı avgustqa qadär uzarğa tiyeş ide. Pandemiyä säbäple ul kiçekterelde. Yarışlar bıyılnıñ 23nçe iyülennän 8nçe avgustına qadär bulaçaq.



Bäyläneşle xäbärlär