Kofein qullanu yoqı sıyfatına tӓêsir itmi
Lӓkin üzӓk nerv sistemasında sizelerlek üzgӓreşlӓr barlıqqa kiterӓ
Kofein qullanu yoqı sıyfatına tӓêsir itmi, lӓkin üzӓk nerv sistemasında sizelerlek üzgӓreşlӓr barlıqqa kiterӓ.
Şveyśariyӓdӓge Bazel’ universitetı ütkӓrgӓn tikşerenüdӓ 20 sӓlamӓt keşe qatnaşqan.
Qatnaşuçılarğa regulyar rӓweştӓ kofe (qahwä) birgӓnnӓr, 10 könnӓn soň kofein qullanu tuqtatılğan.
Bu barışta üzӓk nerv sistemasındağı üzgӓreş tikşerelgӓn. Qatnaşuçılarnıň yoqı sıyfatına da qarağannar.
Nӓticӓlӓr kürsӓtkӓnçӓ, daimi rӓweştӓ kofein qullanu yoqı sıyfatına naçar yoğıntı yasamıy. Lӓkin üzӓk nerv sisteması öçen ber ük süzlӓrne ӓytep bulmıy.
Çönki kofein qullanu belӓn baş miyeneň xӓter belӓn bӓyle öleşendӓ sizelerlek üzgӓreşlӓr bula.
Ӓlege öleştӓ urnaşqan xӓter hӓm aqıl belӓn bӓyle köl tösendӓge maddӓneň külӓme kimi. Bu baş miyeneň tanıp belü funkśiyӓsenӓ tiskӓre yoğıntı yasıy.
Belgeçlӓr ӓytüençӓ, kofein qullanu tuqtatılğan oçraqta ӓlege üzgӓreş daimi tügel. Lӓkin şulay da kofeinnıň sӓlamӓt keşelӓrgӓ tӓêsire ӓlegӓ tulısınça bilgele tügel.
