Misırda 5 meñ yıllıq sıra fabrikası

Anıñ täwge firğawennärneñ berse Narmer çorında uq buluı farazlana

1584816
Misırda 5 meñ yıllıq sıra fabrikası

Misırnıñ kön’yağında urın alğan Suxac şähäreneñ Abidos rayonında 5 meñ yıllıq sıra fabrikası tabıldı. İlneñ tarixi äsärlär häm turizm ministrlığınnan belderülärençä, anıñ täwge firğawennärneñ berse Narmer çorında uq buluı farazlana. Fabrika miladqa qadär 3273 – 2987nçe yıllarda êşlägän dip isäplilär.

Tarixi ob’yekt Misır häm Amerika arxeologları alıp barğan urtaq êşçänlek näticäsendä tabıla. Fabrikanıñ dön’yadağı iñ borınğı sıra citeşterü urını bulu ixtimalı belderelä. Ul sıra qaynatu öçen qullanıla torğan 8 zur bülemnän tora. Härbersendä aşlıq häm su qatnaşmasın cılıtu öçen ike rätkä tezelgän yaqınça 40 çülmäk bar.

Fabrikada ber’yulı 22 meñ 400 litr sıra citeşterelgän. Anıñ firğawennärneñ ritualların êçemlek belän täêmin itüe uylanıla.

20nçe ğasırda Angliyäneñ ber törkem arxeologları mondıy fabrikanıñ barlığı xaqında beldergän, ämma anıñ urını açıqlanmağan ide.



Bäyläneşle xäbärlär