2000 yıllıq zirat açıla

Rimnıñ berençe imperatorı öçen tözelgän zirat 1 martta açılaçaq

1548358
2000 yıllıq zirat açıla

Rimnıñ berençe imperatorı Avgust öçen 2 meñ yıl êlek tözelgän borınğı zirat 1 martta êkskursiya öçen açılaçaq.

Rim İmperatorlığınıñ berençe imperatorı Avgust b.ê. qadär 28 yılda üze häm varisları öçen İtaliya başqalası Rimnıñ üzägendä tözetkän ŝilindr räweşendäge borınğı zirat 12,25 million dollar sarıf itelep, 3 yıl buyı restavraŝiyalände.

Rim mêrı Virdjiniya Raggi borınğı ziratnıñ 1 mart könne kilüçelär öçen açılaçağın açıqladı. Raggi matbuğatqa yasağan açıqlawında: “Bu tarixi mizgel. Koronavirus kizüeneñ bilgesezleklärenä qaramastan kiläçäkkä yaxşı niyät belän qarağanıbız öçen mondıy ziratnı qabat açu ömet tudıra,” – dide.

Tügäräk borınğı zirat Rim İmperatorlığı buyınça nığıtma, auditoriya häm şow üzäge bularaq qullanıldı häm 14 yıl êlek imin bulmağanı öçen yabılğan ide.



Bäyläneşle xäbärlär