Grek mifologiyäsendäge canawar tabıldı

Anı Törkiyädä antik qaladan qazıp çığardılar

1538325
Grek mifologiyäsendäge canawar tabıldı

Törkiyäneñ Düzcä töbägendäge Prusias ad Gipium antik qalasında alıp barıluçı qazınularda meduza başı tabıldı.   

Töbäk xakimiyätennän belderülärençä, Konuralp cirlegendäge arxeologik êşçänlek däwam itä. Anda 60 xezmätkär häm 6 belgeç xezmät quya. Qazınularda tabılğan meduza başınıñ bezneñ êranıñ berençe yäki ikençe ğasırına qarawı farazlana. Grek mifologiyäsendä anı küzlärenä qarawçını taşqa äwerelderüçe, yılan çäçle ana canwar dip tasvirlıylar.

Düzçä xakimiyäte başlığı Faruk Özlü meduza başı sınınıñ zur tarixi ähämiyätkä iyä buluın belderä. “Konuralptağı antik qaladan äyterseñ tarix taşıp çığa häm bezne dä, tarixçılarnı da şaqqattıra. Monıñ soñğı ürnäge kiçä tabılğan meduza başı. Konuralpnıñ här cirennän tarix ise kilä,”-dip söyli ul.



Bäyläneşle xäbärlär