Mayk Tayson qabat ringta

Dön’yanıñ êlekkege iñ zur awırlıqtağı boks çempionı Mayk Tayson belän 4 törle awırlıqta çempion bulğan Roy Djons arasındağı kürsätmä matç tigez isäp belän tämamlandı.

Ul AQŞnıñ Los-Anjeles şähärendä uzdı. Matç 2şär minutlıq 8 raundtan tordı.  

54 yäş’lek Tayson soñğı tapqır 2005nçe yılda ringka çıqqan ide. 51 yäş’lek Roy Djons isä 2 yıl köräşmi. Ul Tayson qarşında tağın da agressiv kürensä dä, ike boksçınıñ ber-berlären yaralawdan tayçınuları küzgä taşlandı.

Taysonnıñ kar’yerasında 44e nokaut belän tögällängän 50 ciñü häm 6 ciñelü bar. Ul 1986nçı yılda 20 yäş’lek çağında Trevor Berbiknıñ nokautqa cibärep zur awırlıqtağı iñ yäş’ çempion isemen aldı.

Roy Djonsnıñ isä karyerası buyınça 47sen nokaut belän alğan 66 ciñüe häm 9 ciñelüe bar.