Kovid-19 turında söylägän öçen - Êmmi büläge

AQŞnıñ N’yu-York gubernatorı Êndryu Kuomo koronavirus kizüe waqıtında telekanallarda yasağan uñışlı mäğ’lümati çığışları öçen Êmmi bülägenä layıq dip tabıldı. Anıñ pandemiyä krizisı waqıtında dön’yanıñ törle poçmağındağı keşelärne xäbärdar itü häm tınıçlandıru maqsatınnan televideniyene osta faydalanuın bilgeläp uzalar.

Xalıqara Êmmi büläge artındağı oyışma Xalıqara televideniye sänğat’läre häm fännare akademiyäseneñ yuğarı idaräçese Brüs L. Paysner bolay di: “Gubernatornıñ 111 kön däwam itkän brifingları bik faydalı buldı. Dön’yanıñ här yağınnan keşelär närsälär buluın belü öçen bezne qaradı. N’yu-York qaqşamaw häm täwäkällek simvolı xälenä kilde”.

Gubernatorğa bülägen kizü arqasında onlayn oyıştırılğan 48nçe Xalıqara Êmmi çarasında täq’dim ittelär.

Kuomo tantanada räxmäten citkerde. “Bu ğorurlandıra. Ştatnıñ barlıq xalqı öçen qabul ittem. Minemçä, N’yu-York xalqı iñ yuğarı yoqtıru kürsätkäçlärennän iñ tübängä töşep ışanıp bulmastayğa ireşte,”-dide Kuomo.

Aprel’ ayında kizüneñ dön’yadağı märkäzenä äwerelgän N’yu-York cäyen nıqlı kisätü çaraları belän yoqtıru oçraqları häm ülem däräcäsen minimumğa citkerä aldı.