Blaundosnıñ Rim munçası tabıldı

Böyek İskändär belän kilüçelär nigez salğan şähärdä arxeologik qazınular däwam itä

1530819
Blaundosnıñ Rim munçası tabıldı

Törkiyäneñ Blaundos antik qalasında Rim çorına qarawçı munça qazıp çığardılar. Älege borınğı şähär Uşak töbäge Ulubäy rayonında urnaşqan.

Blaundosqa Böyek İskändärneñ Anadoluğa säfäre waqıtında Makedoniyadan kilüçelär nigez sala. Soñınnan ul Bergama patşalığı häm  Rim imperatorlığına kerä.

Blaundos antik qalası tirän üzännär belän äyländerelep alınğan yarımutraw. Anda 2016nçı yılda arxeologik qazınular başlandı.  Uşak universitetı arxeologiyä bülegennän professor Birol Can citäkçelegendä alıp barıluçı êşçänlek barışında bügengä qadär bik küp äsär tabıldı. Bıyıl qazınular şähärneñ kerü öleşendä bara. Rim çorına qarawçı munça da şunda tabıldı. Professor Birol Can ul waqıtta munçalarnıñ ähämiyätle ictimağıy qorılmalardan berse buluın söyli.

“Alarnı barı yuınu urını bularaq qabul itmäw kiräk. Bu - şähärneñ sośial’ tormışında ähämiyätle rol’ uynıy torğan qorılmalar. Rim şähären munçasız küz aldına kiterep bulmıy,”-di ul.

Professor äytüençä, munça tözeleşendä qullanılğan märmärlär bu cirlektän çığarılğan. “Qulıbızğa kergän märmärlärne tikşergännän soñ alarnıñ cirle kar’yerlardan çığarıluın kürdek. Bez tapqan qorılmalar soñğı Rim häm irtä Vizantiya çorına qarıy,”-di Birol Can.



Bäyläneşle xäbärlär