Afrikadan urlanğan äsärlär

Franśiyä koloniyä çorında Afrika illärennän urlağan äsärlärne kire qaytara

1524227
Afrikadan urlanğan äsärlär

Franśiyädä senat afrikalılarnıñ sänğat’ äsärläre häm mädäni qıymmätlären kire qaytaru belän bäyle qanun proyektın qaradı. Senegal häm Beninnan qayçandır urlanğan tarixi häykällärne tapşırunı küzallawçı dokument bertawıştan qabul itelde. Süz uñayınnan, proektnıñ “kire birü” dip quyılğan başlığı “qaytaru” dip üzgärtelde.

2018nçe yılnıñ martında Franśiyä ilbaşı Êmmanuêl’ Makron Afrikanıñ koloniya çorınnan qalğan tarixi äsärlären kire qaytaraçaqların beldergän ide. Ul berençe êş itep Beninnan urlanğan 28 êksponatnı tapşıraçaqların da äytte.  Bıyıl ğıynvar ayında Awrupada şäxsi kollekśiyälärdä saqlanğan Abomey patşalıqları çorına qarawçı äsärlär älege ilgä birelde.

Franśiyäneñ êlekkege xökümät räise Êduard Filipp 2019nçı yılnıñ noyabrendä Tınıçlıq häm iminlek forumında qatnaşu öçen Senegal başqalası Dakarğa säfär qılğan ide. Anda ul ilneñ tanılğan dini liderı äl Xaci Ömär Tallanıqı buluı äytelgän qılıçnı däwlät başlığı Maki Sallğa qaytarıp birde.

Franśiyädä Saxara astı Afrikadan urlanğan yaqınça 90 meñ  tarixi äsär bar. Alarnıñ 46 meñe 1885nçe -1960nçı yıllar arasında alıp kitelgän. Äsärlärneñ kübese başqala Parij häm başqa şähärlärdäge muzeylarda saqlana.

Franśiyä 1524nçe yılda başlağan koloniyäläşterü barışında Afrikanıñ könbatışı häm tön’yağında 20dän artıq däwlättä xakimlek itä. Qıytğanıñ 35%ı 300 yıl buyı franśuzlarnıñ kontrole astında yäşi.



Bäyläneşle xäbärlär