Dên Braun: "İñ yaratqan şähärem - İstanbul"

Amerikanıñ mäşhür yazuçısı İstanbulğa ğıyşqı xaqında söyläde

1514791
Dên Braun: "İñ yaratqan şähärem - İstanbul"

Amerikanıñ tanılğan ädibe Dên Braun dön’yada iñ yaratqan şähäreneñ İstanbul buluın äytte. Ul İnstagram akkauntı aşa Törkiyädäge ber kitap kürgäzmäse çarasında qunaq buldı.

Braun anda kitapların yazu öçen ilhamnı küpsanlı säyäxätlärennän häm fänni-populyar äsärlärdän aluın söyläde.

“Säyäxät itüne, çınnan da, bik yaratam häm tuqtalğan urın minem öçen ähämiyätle xarakter. Äytik, Ayasofiyanı kürgäç, anıñ roman öçen iskitkeç xarakter buluın añladım. Borınğı tarixı, saqlağan serläre bik şaqqattırğıç,”-dide yazuçı. Anıñ İstanbulğa qarata ayırım qızıqsınuı bar.

Ädip süzen bolay dip däwam itä: “Keşelär minnän bik küp säyäxät itäseñ, östenlek birüçe urınıñ qaysı disälär, härwaqıt İstanbul dim. Dön’yada iñ yaratqan şähärem İstanbul. Könçığış belän Könbatışnı berläşterüçe küper rolen ütäwe, öç imperatorlıqnı üzenä sıyındıruı häm Ayasofiyanıñ serläre şikelle tarixi tiränlekkä iyä çiktän tış matur şähär. İskitkeç tämle rizıqları belän mine härwaqıt sixerli torğan şähär ul”.



Bäyläneşle xäbärlär