Patara qalqulıqlarındağı çüldä buldığızmı?

Antaliyanıñ iñ danlıqlı häm ozın plyajlarınnan berse – Pataradağı qom qalqulıqları turistlarnı çüldä şikelle xis itterä.

Bilgele bulğança, Antaliya tarixi qıymmätläre häm tabiğıy baylığı belän yıl sayın millionlağan keşene üzenä cälep itä. Biredä şarlawıqlardan başlap su astı mäğarälärenä qadär bik küp törle üzençälekle urınnar bar.

Turistlarnı qızıqsındırğan cirleklärneñ berse – qayçandır Likiya berlegeneñ başqalası bulğan häm tarixı meñnärçä yıllar êlek başlanğan Patara antik qalası. Älege borınğı miras yanındağı qomlıq ta iğ’tibarsız qalmıy. Yal itüçelär antik qalanıñ arqılığa kiçep keçkenä çülgä kilep çığa hm barxannar aşa diñgezgä yünälä.  Kübese anı fotostudiyä bularaq qullana häm biredä qoyaş bayuın kürü öçen dä cıyılalar. Älege qom qalqulıqları näsele betep qabuçı zur taşqaba karetta-karettalarnıñ yäşäw mäydanı buılğan Patara plyajına qadär suzıla.

Şaqtıy ğına fil’m töşerelgän bu qomlıqlarda at häm döyälärgä atlanıp safari-turlar oyıştırıla. İñ şäbe isä çüldän soñ şunda uq diñgezdä qoyınu mömkinlege.