Maçu-Pikçu ber turist öçen açıldı

Yapon turist İnka xäräbälären kürü öçen aylar buyı kötte

1508288
Maçu-Pikçu ber turist öçen açıldı

Yapon turist maxsus röxsät belän Maçu-Pikçu borınğı şähären açtırdı.

Koronavirus çaraları arqasında yabıq bulğan YUNESKOnıň Dön’ya mirası isemlegendäge Maçu-Pikçu şähäre aylar uzğannan soň ber turist öçen açıldı.

Yapon turist bar dön’yağa tanılğan İnka xäräbälären kürü öçen aylar buyı kötte. Läkin koronavirus çaraları arqasında borınğı şähärgä kerä almadı.

Näticädä Perunıň Mädäniyät ministrlığına maxsus taläp belderde häm 15nçe ğasırda tözelgän Maçu-Pikçu şähäre anıň öçen açıldı.

7 aydan soň maqsatına ireşkän yapon turist video yazma töşerep, räxmäten belderde häm ilenä qayta alaçağın citkerde.

YUNESKO Dön’ya mirası bulğan Maçu-Pikçunıň noyabr’ ayında qabat açıluı planlana.

2007 yılda dön’yanın 7 moğcizasınnan berse bulıp saylanğan borınğı şähärdä kizü çaraları arqasında tağın da äz turist qabul iteläçäk.



Bäyläneşle xäbärlär