Patarada Rim munçası açıla

Antik qaladağı älege tarixi ob'yekt törek xamamnarınıñ berençe ürnäge sanala

1506819
Patarada Rim munçası açıla
patara roma hamami.jpg
patara roma hamami1.jpg

Anadoludağı berençe xamam (törek munçası) ürnäklärennän bulğan  Rim munçası Antaliyäneñ Patara antik şähärendä urnaşqan. Kiläse yılğa ul zıyarätçelär öçen açılaçaq.

Rim imperatorı Neron tözetkän munçanı 2 yıl êlek tözekländerä başladılar.

Antaliyä fänni üniversitetı arxeologiya bülege mögallime häm Patara antik şähäre qazınular törkeme citäkçese urınbasarı Mostafa Koçak Pataranıñ, şähär qapqası, diñgez fonare, parlament binası häm antik teatrı tışında, xamamnarı belän danlıqlı buluın söyli.

Patarada Rim çorına qarawçı 4 munça bar. Bolardan iñ borınğısı şähär mäydanında urnaşa. Anıñ Anadoludağı täwge xamam ürnäklärennän berse buluı farazlana.

Mostafa Koçak tarixi munçanıñ tışqı divarları häm basseynnarınıñ älegä qadär toruın häm yaxşı xäldä buluın assızıqlıy. Ul xamamnıñ yaqınça 2 meñ yıllıq buluın belderä. Belgeç äytüençä, arxeologik qazınular kiläse yılda betäçäk häm xamam turistlar öçen açılaçaq.

Xamam ul çorlarda barı tik yuınu häm çistarınu urını ğına tügel, aralaşu, sośial’läşü platforması da bula. Şähär xalqı anda ber-berse belän söyläşä, soñğı yañalıqlar xaqında fiker alışa. “Şul säbäple xamam antik şähärneñ urtasındağı mäydanda urnaşqan,”-di Mostafa Koçaq.



Bäyläneşle xäbärlär