Budapeştta Çıñğız Äytmätov parkı

Awrupanıñ iñ matur şähärläreneñ bersendä törki yazuçınıñ iseme mäñgeläşterelde

1499883
Budapeştta Çıñğız Äytmätov parkı

Böten dön’yağa tanılğan Qırğızstan yazuçısı Çıñğız Äytmätovnıñ iseme Vengriyä başqalası Budapeştta ber parkka birelde. Tantanada räsmi säfär belän älege ilgä kilgän Qırğızstan ilbaşı Sooronbay Cäenbekov häm Budapeşt mêrı Gergey Karaçon’ qatnaştı.

Cäenbekov üz çığışında Äytmätovnıñ mäşhür yazuçı, fiker iyäse, däwlät êşleklese, diplomat buluın häm äsärlärendä böten keşelekne qızıqsındırğan mäs’älälärne kütärüen söyläde. Ul Budapeştnıñ Awrupadağı iñ matur şähärlärdän berse ikänen häm Qırğızstannıñ ğorurlığı bulğan Äytmätovnıñ isemeneñ biredä mäñgeläşterelüe öçen söyenüen citkerde.

Budapeşt mêrı Karaçon’ isä Äytmätovnıñ dön’yawi fiker iyäse buluına iğ’tibarnı cälep itep, gumanizm häm bäysezlek taläp itüçe keşelärgä anı uqırğa kiräklegen äytte.

Çıñğız Äytmätov 1928nçe yılnıñ 12nçe dekabrendä Qırğıstannıñ Talas töbäge Şeker awılında  tua. 2008nçe yılnıñ may ayında ul äniseneñ tuğan cire – Tatarstannıñ Kukmara rayonına yul ala. Anda yazuçınıñ xäle naçaraya. Äytmätovnı däwalaw öçen Germaniyägä alıp kitälär. Ämma 2008nçe yılnıñ 10nçı iyünendä ul baqıylıqqa küçä.



Bäyläneşle xäbärlär