Urlanğan täwbä yazuı kire qaytarıldı

Anadoludağı śivilizaśiyä – Lidiyä çorına qarawçı 1800 yıllıq täwbä yazuı qayçandır Törkiyädän urlana. Anı 1997nçe yılda İtaliyädä poliśiyä basqını waqıtında tabalar. Tarixi äsärne  xäzer Törkiyäneñ Rim ilçelegenä tapşırdılar.

İlçe Murat Sälim Äsänli belän mädäniyät häm tanıtu attaşesı Xaluk Sönär Florenśiyä şähärenä barıp Lidiya yazuın başqala Rimğa alıp qayttı. İlçe äsärne kire qaytaru öçen ozaq waqıt däwam itkän xoquqıy prośess waqıtında yazunı bik yaxşı saqlağan İtaliya jandarmeriyäsenä räxmät belderde. Äsänli bu êş öçen bik küp wazıyfadaşınıñ tırışlıq quyuın äytep uzdı. “22-23 yıllıq êşçänlekneñ näticäsen aldıq,”-dide ul.

İlçe tarixi yazu belän bäyle neçkäleklär turında da söyläde. “Bu ber äti-änineñ ike uğıllarınıñ qaraqlığı öçen özgälänü häm poşamanlığı näticäsendä xäzerlätkän täwbä yazuı. Anıñ êçtälege dä qızıqlı. 1800 yıl êlek tä qaraqlıqnıñ berkemgä xäyer kitermäwen küräbez. Bügen 21nçe ğasırda da bu qıymmätle äsärne İtaliyädän alıp böten dön’yağa şunı isbatlıybız,”-dide ul.

1800 yıllıq yazunı Törkiyäneñ Manisa töbägendäge Saittai antik şähärendä urnaşqan  Apollon Aksiros xramınnan urlap İtaliyägä alıp kitkännär. Lidiya çorına qarawçı äsärne tizdän ilgä alıp qaytuları kötelä.