Aкдaмaр чиркәвeндә 8нчe дини җыeн / Aqdamar çirkäwendä 8nçe dini cıyın
Törkiyä mädäniyät häm turizm ministrlığınıñ maxsus röxsäte belän ber yılda ber tapqır ğıybadätkä açılğan Van külendäge Aqdamar çirkäwendä sigezençe tapqır dini cıyın ütkärelde
Төркия мәдәният һәм туризм министрлыгының мaxсус рөxсәтe бeлән бeр елдa бeр тaпкыр гыйбaдәткә aчылгaн Вaн күлeндәгe Aкдaмaр чиркәвeндә сигeзeнчe тaпкыр дини җыeн үткәрeлдe
-------------------------------
Aqdamar utrawında urnaşqan çirkäwdä oyıştırılğan dini cıyında qatnaşu öçen şähärgä kilüçelär Gävaş pristanendä kiräkle kontroldän uzğannan soñ köymälär belän utrawğa alıp barıldı.
Yaña tör koronavirus (Kovid-19) çaraları arqasında barı tik 25 keşe genä alınğan utrawğa Törkiyä ärmännäre patriarxı Sahak Maşalyan yanındağı din ähelläre peder Şirvan Mürzyan häm ölkän peder Kırikor Damatyan belän bergä kilde.
Kilüçelär belän söyläşep alğan Maşalyan soñınnan çirkäwdäge dini cıyınnı alıp bardı.
Cıyınnı Van vilayäte başlığı häm şähär xakimiyäte başlığı wäkile Mäxmät Ämin Bilmäz, Waqıflar ğomum mödire Burhan Ärsoy, Gevaş rayonı gubernatorı Hamit Gänç, Gevaş cirle xakimiyäte başlığı Murat Säzär, vilayät iminlek mödire Ali Qarabağ qaradı.
Baş ruxani Tatul Anuşyan Surp Xaç çirkäweneñ barı tik ärmän cämäğäte öçen genä tügel, böten dönya öçen möhim qimmät buluına basım yasap: "Bu çirkäw şuşı geografiyanıñ şaxäsäre, şedevrı. Dön’yanıñ yaratılğan urını, Anadolubızdağı baylıqlarıbızdan berse. Dön’ya öçen möhim miras. Mondıy urında buluıbız bezgä ğorurlıq birä. Däwlätebez täq’dim itkän mömkinleklär belän här yıl biredä dini cıyın uzdırabız”, - dip äytte.
Bäyläneşle xäbärlär
İstanbuldağı aêroportlar rekord quydı
3 ayda ”İstanbul” häm “Sabiha Gökçän” hawa mäydannarınnan 27 millionnan artıq yulıçı säyäxät itte
