Messi künegülärgä kilmäde

Barselonadan kitärgä teläwçe argentinalı futbolçı Lionel’ Messi baş trener Ronal’d Kuman citäkçelegendäge künegülärdä qatnaşmadı. Komanda 2020nçe-2021nçe sezonğa xäzerlek êşçänlegen başladı.  

Messi yäkşämbe könne barlıq futbolçılar qatnaşqan mediśina tikşerenüenä dä kilmäde.

İspaniyä gazetı “Marca” fikerençä, Messi säbäpen äytmiçä künegülärdä qatnaşmawı belän La Liga belän İspaniyä futbolçılar cämğıyäte arasındağı kümäk kileşüne boza. Futbolçınıñ aylıq xezmät xaqınıñ 25%ı qadär ştrafqa tartılaçağı farazlana.

Argentinalı sportçınıñ ätise häm şul uq waqıtta menedjerı bulğan Xorxe Messinıñ çärşämbe könne Barselona klubı räise Jozep Mariya Bartomeu belän söyläşüe kötelä.

Messi advokatlıq byurosı yärdämendä 25nçe avgustta klubqa faks cibärep, bernindi tüläw yasamadan komandadan kitärgä teläwen citkerde. 33 yäş’lek futbolçınıñ kileşüe 2021nçe yılnıñ 30nçı iyünenä qadär. Bilgele bulğança, Messi Barselona klubında citeşterelde häm 20 yıl anıñ formasın kiyä.  

İspaniyädä futbolçınıñ kileşüne ber’yaqlı özüe oçrağında 700 million yevro tülärgä tiyeş buluı turında bäxäslär quptı.

Messinıñ Angliyä klubı Mançester Siti belän kileşüe alğa sörelä.