Bollivud yoldızı Törkiyägä kilä

Törkiyädä Amir Kxan qatnaşında fil'm töşereläçäk

1468999
Bollivud yoldızı Törkiyägä kilä

Törkiyädä hind kinemotografiyäseneñ böten dön’yağa tanılğan aktyerı Amir Kxan qatnaşındağı “Laal Singx Çaddxa” isemle fil’m töşereläçäk. Bu 1994nçe yılğı Amerika kartinası “Forrest Gump”nıñ rimeykı bulaçaq. Anda töp rol’dä Gollivud yoldızı Tom Xênks uynıy.

Hind rimeykın töşerü koronavirus kizüe arqasında Hindstanda yartılaş qala. Anı Törkiyädä tämamlarğa uylıylar. Bu xaqta Bollivudtan yasalğan belderüdä Amir Kxannıñ monnan alda Törkiyägä kileşendä texnik asqorma, kino tarmağındağı aldınğı mömkinleklär häm êş köçe belän tulayım ber tabiğıy plato bulğan ilneñ potenśialın kürüe äytelä. Şuna da ul yaña fil’mnı biredä töşerep beterergä uylıy.

Aldan xäzerlek êşçänlekläre öçen Amir Kxan häm töşerü törkeme avgustta Törkiyägä kilä. Alarğa ilneñ mädäniyät häm turizm ministrlığı da yärdäm kürsätäçäk.

Fil’mnı töşerü oktyabr’dä başlanırğa tiyeş. Anıñ yaqınça 40 kön däwam itäçäge planlaştırıla. Fil’mnıñ rejisserı “Superstar” kartinası belän tanılu alğan Advait Çandan. Amir Kxan näq’ menä älege fil’mnı tanıtu öçen 2017nçe yılda İstanbul häm Änkarağa kilgän ide.



Bäyläneşle xäbärlär