"Şähärneñ sere çişeläçäk"

Gaziantäp qal’gäse astında serle tınnel' häm susaqlağıç tabıldı

1464677
"Şähärneñ sere çişeläçäk"

Törkiyäneñ Gaziantäp töbäge simvollarınnan berse häm här yıl meñnärçä turistnı qabul itüçe Gaziantäp qal’gäsendä tunnel’lär häm alarğa bäyle 18 metr tiränlegendä su mäydanı tabıldı.

Tarixi ob’yekt UNESKOnıñ Bötendön’ya mirası waqıtlıça isemlegenä kertelde. Gaziantep mädäni qıymmätlärne saqlaw oyışması qararı nigezendä, anda çistartu häm arxeologik qazınu êşläre başqarıla. Şul waqıtta suğış çorında qullanıluı farazlanuçı tunnel’lär häm su çoqırı tabıla.

Cirle mêr Fatma Şahin tarixi qal’gäneñ Gaziantäpneñ yöze buluın, tunnel’lärneñ seren çişü öçen êşçänlekneñ däwam itäçägen citkerde.

“Qal’gäneñ astındağı bu tarixi qatlamnı dön’yağa tanıtu häm bu çeltärne şähärebezgä tartu zur ähämiyätkä iyä. Xäzergä êşçänlek näticäsendä 500 metrlı cir astı yulın açtıq, yulıbıznı däwam itäçäkbez. Tabılğan tunnel’ häm galereyalar şähärneñ seren çişäçäk,”-dide mêr.



Bäyläneşle xäbärlär