Pergedä 1700 yıllıq xatın-qız häykäle tabıldı

Bu Perge antik şähärendä bıyıl tabılğan berençe häykäl

1462805
Pergedä 1700 yıllıq xatın-qız häykäle tabıldı

Antaliyanıñ Aksu rayonındağı Perge antik şähärendä 1700 yıllıq xatın-qız häykäle tabıldı. Bu xaqta Törkiyä mädäniyät häm turizm ministrlığınıñ aprxeologik qazınular bülegeneñ sośial’ media säxifäsendä belderü yasaldı.

Häykäl İstanbul universitetınıñ arxeologiya bülegennän professor Sädäf Çokay Käpçä citäkçelegendä alıp barıluçı qazınular waqıtında tabıla. Äsär  êllenistik manaralar qarşınnan çığa. Bu Perge antik şähärendä bıyıl tabılğan berençe häykäl.

Belderüdä äytelgänçä, kiyemle xatın-qız häykäle miladtan soñ 3nçe ğasırğa qarıy. Konservaśiyä êşçänlekläre uzdırğaç, anı Antaliya muzeyına kürgäzmägä quyaçaqlar.



Bäyläneşle xäbärlär