“Qara diñgezneñ Zeugması”

“Qara diñgezneñ Zeugması” dip tä ataluçı Adrianopolis borıñğı şähären qararğa kilüçelär kübäyde. Karabük töbägeneñ İskebazar rayonında urnaşqan älege tarixi cirlek xaywan häm mifologik obrazlarnı tasvirlawçı mozaikaları belän tanıla. Koronavirus kizüennän ğadäti tormışqa qaytu qısalarında antik qala qabat turistlar öçen açıldı.

Cirlektä ber ük waqıtta arxeologik qazınular däwam itä. Anı citäkläwçe Karabük universitetı arxeologiyä bülege belgeçe Ärsin Çälikbaş Adrianopolista älegä qadär ike xamam, ike çirkäw, ber saqlanu qorılması, qıya qaberläre, teatr, ğömbäzle bina, monumental’ kul’t urını, şähär divarları, villa şikelle 14 qorılmanıñ qazıp çığarıluın söyläde.

“Adrianopolis Anadolu öçen bik ähämiyätle noqta. Miladqa qadär 1nçe ğasırda başlanğan häm bügengä qadär däwam itüçe tarixi prośessnı kürsätüçe möhim äsär. Turizm öçen dä bik ähämiyätle. Meñlägän cirle häm çit il turistı bu mäydanğa kilä. Kerü tüläwsez. Kilüçelärgä centekläp barısın da añlatabız,”-di arxeolog.