Çarter säfärläre başlana

Bu xaqta Anex turizm İdarä şurası başlığı belderde

1457526
Çarter säfärläre başlana

Turktatar.com beldergänçä Rusiyäneñ aldınğı tur operatorlardan Anex turizm İdarä şurası başlığı Neşet Koçkar Törkiyägä çarter säfärläre belän bäyle mäğlümat birde.

“Törkiyägä küp taläp bar, berençe çarter säfärebez 25 iyul’ könne çınğa aşaçaq,” – dide ul.

“Sabah” basmasınnan Betül Alakentkä açıqlaw yasağan Koçkar bolay dide: “Bez oçışlarnıñ başlanaçağın küz aldında totıp, 25 iyul’ öçen äzerländek. Berençe çarter säfären bu köngä bilgelädek.”

Koçkar älege turist törkemeneñ qıştan yal itü urının bilgelägän häm bäyäsen tüläp quyğan Rusiyä watandaşları buluın citkerde.

Ukrainadan da turist xäräkäteneñ başlanuına iğtibarnı cälep itkän başlıq tübändägeçä däwam itte: “Xäzerge waqıtta Törkiyägä küp taläp bar. Oxşaş xäräkätneñ Rusiyädän dä bulaçağın uylıybız. Läkin monda kritik mäs’älä – qunaqxanälär. Ägär dä qunaqxanälärneñ tağın ber öleşe açılsa häm pandemiya arqasında ğadättän tış xäl kürelmäsä, kiläse 5 aylıq çorda uzğan yılğı sannarnı quıp citärbez, xätta uza alırbız. Çönki sezon oktäbr’ – noyabr’ğa qadär däwam itär kebek kürenä.”



Bäyläneşle xäbärlär