Fernando Alonso kire qayta

Çempion sportçı 2 yıl êlek Formula 1dän kitkän ide

1451553
Fernando Alonso kire qayta

Formula 1 dä ike tapqır Dön’ya çempionı bulğan legendar pilot Fernando Alonso ike yıllıq tänäfestän soñ 2021nçe yıl sezonında Reno komandası belän qabat yarış qırına qayta. İspaniyä sportçısı älege komanda belän 2003-2006nçı, 2008-2009nçı yıllarda yarışqan ide. Şulay itep, ul öçençe tapqır ber ük komanda belän yarışqa çıqqan täwge Formula 1 pilotı bularaq tarixqa kerep qalaçaq.

27nçe iyül’dä 39 yäşen tutıruçı Fernando Alonso Formula 1däge berençe uñışlarına da Reno belän ireşkän ide. Ul 2005nçe häm 2006nçı yıl sezonnarında komandası belän pilotlar klassında çempion buldı.  

Alonsonıñ kiläçäk sezondağı komanda iptäşe franśuz pilotı Êsteban Okon bulaçaq.

İspaniyä sportçısı soñğı tapqır Maklaren komandası belän 2018nçe yılda Formula 1 belän xuşlaştı häm kar’yerasın başqa avtomobil’ yarışlarında däwam itte.



Bäyläneşle xäbärlär