Yaponiya turistları Törkiyägä kilergä teli

Yaponiyanıñ Änkara tulı wäqalätle ilçese Miyajima Akio, Törkiyädä yaña tör koronavirus (Kovid-19) belän köräşneñ uñışlı räweştä alıp barıluın belderep, turistlarnıñ Törkiyäneñ söykemlelegen küräçäk könnärneñ tiz arada kilüen teläwen äytte.

Yaponiyanıñ Änkara ilçese Miyajima Akio “Anadolu” agentlığına Törkiyäneñ qurqınıçsız turizm çaraların bäyäläde.

“Törkiyä xökümäteneñ häm törek xalqınıñ İlbaşı Räcäp Tayyip Ärdoğannıñ köçle liderlığı astında PCR testlarınıñ yasaluı häm däwalaw ısullarınıñ buldırıluın da üz êçenä alğan mediśina çaraları belän ber rättän härtörle çaranıñ kürelüe öçen êşçänlek başqaruı uñayınnan xörmätläremne citkerergä telim. Bu tırışular näticäsendä Törkiyädä iñ yuğarı noqta belän çağıştırğanda yoqtıru oçraqlarınıñ möhim külämdä azayuın häm ülem külämeneñ kimüen beläbez”, - dip äytte.

Bigräk tä üzlärenä yoğu riskına qaramastan köne-töne fidaqärlek belän xastalarnı däwalawçı böten sälamätlek saqlaw personalınıñ torışınnan bik täêsirlänüen assızıqlawçı Miyajima: "Ayıruça sulış cihazı häm bitlek êşläp çığaru sistemasınıñ berençe çiratta buldırıluı häm başqa illärgä aktiv mediśina yärdämen kürsätüe dä başqa illärdä siräk oçratılğan iğ’tibarğa layıq başqa faktor. İyün’dä restorannar häm kafelar yañadan açılğan çaqta, Änkaranıñ da êlekke moxitına äkrenläp qaytuın, bitlek kiyü kebek “yaña normal’” añ-fikerneñ üz itelüenä qağılışlı xäräkätlärneñ adım adım qamilläşüen xis itäm”, - dip belderde.

Törkiyä häm Yaponiya arasındağı duslıqnıñ şuşı awır çorda da xätta hiç üzgärmäyäçägenä basım yasawçı Miyajima: “Yaponiya belän bergä dönyanıñ här urınınnan kiläçäk turistlarnıñ Törkiyäneñ söykemlelegen küräçäk könnärneñ tiz arada kilep citüen çın küñelemnän telim”, - dip äytte.