Qatar Dön'ya kuboğına äzerlänä

Qatar Ämire Şeyx Temim bin Xamed Al Sani ilendä oyıştırılaçaq FIFA Dön’ya kuboğı 2020gä kiläçäk qunaq häm canatarlarnı sabırsızlıq belän kötülären äytte.

Xamed Al Sani Dön’ya kuboğı matçları uynalaçaq “Education City” stadionınıñ açılışı uñayınnan Qatardağı belN Sports kanalındağı tapşıruğa räsemle yullama cibärde.

İldä 2022 yılda oyıştırılaçaq turnir öçen äzerleklärneñ däwam itüen beldergän Ämir Al Sani: “Dön’yanıñ här urınınnan bu maxsus Dön’ya kuboğın qararğa kiläçäk qunaqlarnı sabırsızlıq belän kötäbez,” – dide.

Qatar Ämire koronavirus belän köräşüçe sälamätlek saqlaw xezmätkärläreneñ tırışlıqların täqdir itep bolay dide: “Sezneñ yärdäm belän kiläse könnärneñ tağın da yaqtı bulaçağına ışanabız.”

Tapşıruda qataşqan FIFA başlığı Djanni İnfantino isä: “Education City stadionı bar dön’ya kiçerüçe bu awır könnärdä futbolnı êlekkedän dä kübräk yarataçağıbıznı añlata,” – dide.

Education City stadionı Xalıqara Xalifä häm El-Vekra stadionnarınnan soñ FIFA Dön’ya kuboğı matçları öçen tözelgän öçençe stadion buldı.

FIFA Dön’ya Kuboğı 2020 ul yılnıñ 21 noyabr’ – 18 dekabr’ könnärendä Qatarda oyıştırılaçaq.