Awrupa turistları yal itü öçen Törkiyӓne saylıy

Kaan Kavaloğlu:" Awrupadan iyül’ hӓm avgust ayları öçen rezervaśiyӓlӓr kilä"

1427407
Awrupa turistları yal itü öçen Törkiyӓne saylıy

 

Awrupa turistları yal itü öçen Törkiyӓne östen kürӓ.

Urta diňgez turistik qunaqxanӓlӓr hӓm operatorlar assośiyӓśiyӓse başlıq urınbasarı hӓm Törkiyӓ qunaqxanӓlӓr federaśiyӓse belӓn turizm investorları cӓmğiyӓteneň idarӓ şurası ӓğ’zası Kaan Kavaloğlu Awrupadan iyül’ hӓm avgust ayları öçen rezervaśiyӓlӓr kilüen belderde.

Kavaloğlu turizmda yaňa çor başlanuın, diňgez , qom hӓm qoyaş yanına qurqınıçsızlıq hӓm gigiyena da östӓlüen citkerde.

Kaan Kavaloğlu qunaqxanӓlӓrdӓge xezmӓt hӓm gigiyena garantiyӓse bularaq 300 maddӓdӓn torğan manifest ӓzerlӓwlӓren hӓm anıň internet aşa törek, ingliz, rus hӓm alman tellӓrendӓ dönya kürӓçӓgen belderde.

 Ul yaňa dӓwerneň awır bulacağın ӓmma bu êşlӓrne telӓgӓnçӓ başqarıp çığaçaqlarına ışanuın ӓytte.

Kavaloğlu yaňa dӓwerdӓ Awrupa Berlege illӓrennӓn küp turist kilӓçӓgen belderep:”Törkiyӓ êpidemiyӓ çorın yaxşı sӓlamӓtlek saqlaw asqorması belӓn bik uňışlı ütkӓrep cibӓrgӓç çit il turistları iyül’ hӓm avgust aylarına yasağan bron’narın ğamӓldӓn çığarmadı”,-dide.

Kaan Kavaloğlu:”İlebezgӓ  kilüçelӓr borçılmasın,  alarğa xıyallarındağı kebek yal itü öçen barlıq  mömkinleklӓrne tudıraçaqbız”,-dide.

 



Bäyläneşle xäbärlär