Qor’ӓn Kӓrim uqu bӓygese tӓmamlandı

 Törkiyӓ teleradiokompaniyӓse TRT tarafınnan  2017 nçe yıldan birle Ramazan ayında ütkӓrelep kilüçe Qor’ӓn Kӓrim uqu bӓygeseneň finalı kiçӓ kiçen uzdı.

İlbaşı Rӓcӓp Tayyip Ӓrdoğan final kiçӓsenӓ videkonferenśiya ısulı belӓn totaşıp bӓygedӓ qatnaşuçılarnı tӓbrik itte.

Ӓrdoğan üz çığışında Qor’an uqunıň ul iňderelgӓn ay bulğan Ramazan ayın iň yaxşı, iň faydalı itep ütkӓrü yullarınnan berse buluın belderde.

İlbaşı bu bӓygene oyıştıruğa üzlӓrennӓn zur öleş kertkӓn Diyӓnӓt êşlӓre başlığı Ali Ӓrbaş belӓn TRT idarӓ şurası başlığı hӓm ğomum mödir İbrahim Ӓrangӓ rӓxmӓtlӓren citkerde.

TRT ğomum mödire İbrahim Ӓrӓn Qor’ӓn Kӓrim uqu bӓygesen tamaşaçılarnıň bik yaratıp qarawına basım yasadı.

Bӓygedӓ Xösӓyen Akbulut berençe, Möxӓmmӓt Sizcan ikençe, Ӓyyüp Ensar Kılıç öçençe urınğa layıq buldı.

Ciňüçelӓrgӓ bülӓklӓr tapşırıldı.