Tatarnıñ yaña radiosı

Yaña radiokanal Tatarstannan çittä yäşäwçelärne dä istä totıp açıla

1416778
Tatarnıñ yaña radiosı

Tatarstanda “Kitap” dip ataluçı yaña radiokanal barlıqqa kilde. Bu xaqta “Tatar-inform” mäğ’lümat agentlığı citkerä. Anda yazılğança, radionıñ citäkçese, format avtorı Almaz Mirgayazov yañalıqnıñ Tatarstannan çittä yäşäwçe millättäşlär öçen uñaylı bulaçağın uylıy. Çönki anı smartfonnardağı mobil’ quşımtalar yärdämendä tıñlap bula. Radionı telefonıña urnaştıru öçen App Store häm Play Marketlardan “Milli radio Kitap” iseme astında êzläp tabarğa häm yöklärgä kiräk.

Xäbärdä äytelgänçä, radionıñ citäkçese êfirda milli ruxqa turı kilüçe, här tatarnıñ qanına keçkenädän señgän cırlar yañğırayaçağın belderä. Matur ädäbiyät ürnäklären dä bik nıqlap saylap alaçaqlar. Êfirdan barı tik qızıqlı, mömkin qadär kübräk tamaşaçını cälep itärdäy äsärlärdän özeklär tıñlayaçağıbızğa ışandıralar.

“Kitap” radiosı älegä FM yışlıqta êşli başlamağan. Çönki koronavirus arqasında dokumentlaştıru äkren bara.  



Bäyläneşle xäbärlär