Ronaldin'o täwge tapqır açıldı...

Törmädä utıruçı futbol yoldızı interv'yuğa rizalaştı

1406643
Ronaldin'o täwge tapqır açıldı...

Törmä cäzasına xökem itelgän futbolçı Ronaldin’o täwge tapqır söyläşte.  Ul Paragway telekanalına interv’yuda üzeneñ niçek räşätkä artına êlägüen söyläde. Alar bertuğanı Roberto de Assis Moreyro belän Paragvayda onlayn-kazino açılışında häm kitap täq’dim itü kiçäsendä qatnaşu öçen kilä. “Paragvayğa kerü dokumentlarıbıznıñ yalğan buluın äytkäç, şaqqattıq,”-di sportçı.

Ul mäs’äläne açıqlaw öçen bik zur tırışlıq quyuların, xoquq saqlaw organnarı belän xezmättäşlek itülären citkerde. “Bu prośess miña zur yoğıntı yasadı,”-di Ronaldin’o.   

40 yäş’lek legendar futbolçı üzeneñ iregennän mäxrüm itelüen işetkäç, bik borçıluın äytä. “Waqıyğalarnıñ mondıy yuğla keräçäge başıma da kilmäs ide. Tizräk betsen dip doğa uqıym,”-di braziliyäle dön’ya çempionı.

Ronaldin’o interv’yusında änisen dä onıtmadı. İrekkä çığuğa berençe êş itep anı qoçaqlap übärgä teläwen belderde. “Äniyem bu awır pandemiyä könnären öydä uzdıra,”-dide futbol yoldızı.

Törmädä 32 kön utırğannan soñ Ronaldin’o häm abıysı Assis 1 million 600 meñ dollar zalog belän öy saq astına çığarıldı häm anı Asuns’ondağı ber qunaqxanädä uzdıra.



Bäyläneşle xäbärlär