Bügen - Tuqayıbız tuğan kön

Bu könne Tatarstan xalqı häm, ğomumän, böten tatar dön’yası Tuğan tel könen bäyräm itä

1405336
Bügen - Tuqayıbız tuğan kön

Bügen tatar milläte öçen iñ istälekläre könnärneñ berse – böyek şağıyrebez Ğabdulla Tukaynıñ tuğan köne. Ädip 1886nçı yılnıñ 26nçı aprelendä Tatarstannıñ Arça rayonı Quşlawıç awılında mulla ğailäsendä dön’yağa kilä. Bik küp mixnätlär kürep, yätimlekneñ äçesen tatıp, bärelep-suğılıp üsä bäläkäy Apuş. Bälki şul ayawsız yazmışı anda köräşçe ruxı tärbiyälägänder. Tuqay qaläme, şiğır’läre belän xalqıbız öçen, anıñ bäysezlege, irekle fikere öçen köräşä. 27 yıllıq qısqa ğına ğomere êçendä ul milllätebez kügendä yaqtı yoldız bulıp qabınırğa ölgerä.

Bu könne Tatarstan xalqı häm, ğomumän, böten tatar dön’yası Tuğan tel könen bäyräm itä. Cömhüriyättä dä, çittä yäşäwçe tatarlar da törledän-törle çaralar uzdıra. Şularnın iñ danlıqlısı – Qazanda Tuqay häykäle yanında uzuçı Şiğır’ bäyräme. Bıyıl, qızğanıçqa, koronavirus belän köräş çaraları qısalarında, mömkinleklär çikle. Şulay da, millätebez yuğalıp qalmıy. Sośial’ mediada Tuqayğa bağışlanğan çaralar, fleşmoblar, şiğır’ uqu êstafetaları oyıştırıla.

Oluğ’ şağıyrebez tuğan kön belän, millättäşlär!   



Bäyläneşle xäbärlär