İtaliyädä futbol

Koronavirustan zur zarar kürgän il İtaliyädä futbolnıñ kiläçäge xaqında bäxäslär quptı.

İtaliyä futbol federaśiyäse oyıştıraçaq kritik kiñäşmädän soñ bu mäs’älädä yul kartası tözeler dip kötelä. Ämma annan alda matbuğatta iğ’tibarnı cälep itüçe xäbär çıqtı.

Torino, Sampdoria, Genuya, Bolon’ya, Parma, SPAL, Breşiya, Udinez häm Fiorentina komandalarınıñ A seriyäsen qabat başlarğa telämäwläre alğa sörelde. 8 klubnıñ bu qararğa baruınıñ säbäbe – qurqınıçnıñ äle tulısınça ütmäwe häm kürelmägän näticälärgä kiterä aluı.

Tik Fiorentina futbol klubı ligalarnıñ däwam itüen telämäwläre turındağı süzlärneñ yalğan buluın citkerde. Alar räsmi internet säxifälärendä belderü yasadı häm däwam itü qararı çıqsa, aña qarşı kilmäyäçäklären äytte.