Maykl Djordannıñ "soñğı biyüe"...

Basketbol legendası häm ul uynağan komanda turında fil'm kürsätelä

1399864
Maykl Djordannıñ "soñğı biyüe"...

Barlıq zamannarnıñ iñ yaxşı basketbolçısı sanaluçı Maykl Djordan 90nçı yıllarda “Çikago Bulls” forması belän üz êzen qaldırdı. Anıñ liderlığında komanda 1991 yıldan başlap 1998nçe yılğa qadär 6 tapqır çempion buldı.

ESPN kanalı “Çikago”nıñ ligada östenlek itkän yıllarınıñ artqı planın “Soñğı biyü” dip ataluçı dokumental’ fil’mda kürsätäçäk. Maykl Djordan yäkşämbe könne êfirğa çığaçaq tapşıru turında söyläde.

Basketbol legendası koronavirus säbäple ğailäse belän Floridadağı öyendä buluın belderde.

Maykl Djordan “Çikago” belän qazanğan soñğı çempionlıqların “täcribä yılı” dip atıy.

“Ul yılnı barıbız berär närsä sınap qarıy idek.  Baş trenerıbız Fill Djekson bıyıl soñğı biyüebez dide. Şuña kürä êşebezdän läzzät alu yağın qaradıq. Näticäsen uylamıyça uynadıq. Närsä teläsäk, anı sınap qaradıq häm axırında çempion buldıq,”-dip söyli danlıqlı basketbolist.

10 bülektän toruçı “Soñğı biyü” fil’mı xalıqara tapşıru platforması yärdämendä böten dön’yadağı basketbol söyüçelärgä barıp ireşäçäk.



Bäyläneşle xäbärlär