Tur de Frans küçerelde
Dön'yadağı iñ şöhrätle velosiped yarışı suğış waqıtında ğına küçerelä ide
Franśiyä velosiped turı koronavirus säbäple küçerelde. Ul 29nçı avgust – 20nçe sentyabr’ arasında uzaçaq.
Tur de Fransnıñ marşrutında isä üzgäreş yuq.
Bıyıl 107nçe tapqır ütkärelergä tiyeşle 21 êtaptan toruçı yarış Niśa şähärennän başlanıp başqala Parijda tögällänäçäk. 3 atnalıq veloturda qatnaşu bik küp komandalarnıñ xıyalı.
Franśiyä ilbaşı Êmmanuêl’ Makron ike kön êlek yasağan belderüendä ildä iyül’ urtasına qadär bulırğa tiyeşle zur çaralarnıñ ğamäldän çığarıluın äytte.
Franśiyä velosiped turı soñğı tapqır 1946nçı yılda İkençe bötendön’ya suğışı arqasında küçerelgän ide. Ul İtaliyä häm İspaniyäneke belän bergä dön’yadağı iñ abruylı häm şöhrätle 3 velosiped yarışınıñ berse.
Bäyläneşle xäbärlär
"Täxet uyınnarı"ndağı timer täxet satıldı
Geroylar 8 sezon buyı aña iyä bulu öçen suğışqan “timer täxet”ne fil’mnıñ ber fanatı ala
