Ärdoğan pasxa belän qotladı

"Xristian qardäşlärebez, qızğanıçqa, bıyıl pasxanı bäyräm itü öçen çirkäwlärdä cıyıla almıy"

1396435
Ärdoğan pasxa belän qotladı

Törkiyä ilbaşı Räcäp Tayyip Ärdoğan xristiannarnı pasxa bäyräme belän qotladı. “Anadolu cirlärendä barlıqqa kilgän bu bergäläşep yäşäw mädäniyäte ütkändäge şikelle bügen dä tınıçlıq häm qardäşlegebezneñ nigezen täşkil itäçäk, häm bezne kiläçäkkä alıp baraçaq iñ ähämiyätle köçebez bulaçaq,”-diyelä qotlawnamädä.

Ärdoğan, şulay uq, koronavirus belän köräş qısalarında başlap cibärelgän Milli yärdäm kampaniyäsenä teläktäşlekne dä xäterlätte. Ul bu çarada qatnaşuçı xristiannarğa räxmäten citkerde.

“Kovid-19 kizüe säbäple böten dön’ya awır çordan uzğanda, kisätü çaraları yözennän, xristian qardäşlärebez, qızğanıçqa, bıyıl pasxanı bäyräm itü öçen çirkäwlärdä cıyıla almıy. Ämma şuña ışanabız: kiräkle çaralar tögäl ütälsä, ilebez bu çornı iñ az zarar belän ütkäräçäk häm tiz arada tormış barıbız öçen qabat ğadäti ağımına äylänep qaytaçaq,”-di ilbaşı.



Bäyläneşle xäbärlär