Mane tuğan şähärendä xastaxanä tözetä
Anda koronaviruslılar däwalanaçaq
1388941
“Liverpul’”nıñ senegallı tanılğan futbolçısı Sadio Mane üze tuğan şähärçekkä Kovid-19 awıruları däwalanaçaq zur xastaxanä tözetterä. Sportçınıñ wäkile Bjorn Bezemer beldergänçä, êş inde başlanğan. Ul xastaxanäneñ yaqınça 3 yarım million dollarğa töşäçägen häm finanslawnı tulısınça Mane başqaruın äytte.
Koronavirus yoqtıruçılarnı däwalaw öçen tözeleşne tizlätkännär.
“Sadio Mane üze tuğan şähärçekne yañartırğa teli. Monnan alda Bambalida zur liśey tözettergän ide,”-dide Bezemer. Ul tanılğan futbolçınıñ ile öçen ğorurlıq çığanağı buluın assızıqladı.
Bäyläneşle xäbärlär
İstanbuldağı aêroportlar rekord quydı
3 ayda ”İstanbul” häm “Sabiha Gökçän” hawa mäydannarınnan 27 millionnan artıq yulıçı säyäxät itte